Gjykata e Arbitrazhit Sportiv (CAS) vendosi sot shfajsimin e Manchester City nga të gjitha akuzat e ngritura nga UEFA dhe për pasojë skuadra angleze do të luajë në Ligën e Kampionëve sezotin e ardhshëm.
Sipas vendimit të CAS, City “nuk ka kryer fshehje të fondeve si kontribute nga sponsorizimet”, që ishte edhe akuza në bazë të të cilës u pezullua nga UEFA në shkurt për të mos luajtur për dy vite në Champions League.
UEFA pretendonte se City kishte shkelur rregullat e “Fair play”-t financiar, në vitet 2012-2016. Për këtë akuzë u gjobit fillimisht me 30 milionë euro, shifër që më pas u ul në 10 milionë.
CAS pranoi në vendimin e publikuar se City nuk bashkëpunoi me autoritetet e UEFA-s, por hodhi poshtë vendimin e përjashtimit.
/Gazetaatdheu.com/