Lidhja mes oligarkëve dhe pushtetarëve vijon të dëshmohet se është një simbiozë për pasur zili në vendin tonë…
Tenderat janë kryefjalë e bashkëpunimit dhe rasti i fundit tregon episodin e radhës së ‘dashurisë’ mes zyrtarëve të “Rilindjes” dhe Agron Papulit, të cilësuar si një ndër oligarkët e preferuar të këtij pushteti.
Së fundmi, Operatori i Shërbimit të Energjisë Elektrike, i drejtuar nga Ardian Çela ka vendosur të harxhojë një shumë të majme parash për makina me qira.
Para që do të shkojnë te… Agron Papuli, i cili ka lidhje të mira jo vetëm me pushtetin, por dhe liderin e opozitës Lulzim Basha.
Më konkretisht, OSHEE do të shpenzojë plotë 479,373,200 Lekë pa TVSH për të marrë me qera për 36 muaj, automjete.
Fituesi është bashkimi i operatorëve “Classic Rent a Car sh.p.k” dhe “Classic sh.p.k”.
Sipas Qendrës Kombëtare të Biznesit, “Classic sh.p.k” rezulton në pronësi të Adriano Jançes dhe “Classic sh.p.k”, në pronësi të Artan Qeskos dhe Agron Papulit.
Ky i fundit zotërozon pjesën më të madhe të firmës.
Edhe vitin e kaluar, OSHEE shpenzoi 1.1 miliardë lekë për marrje autoveturash me qira.
Si këtë herë, fituesi ishte kompania e Agron Papulit.
/Gazetaatdheu.com/