U luajtën mbrëmjen e djeshme dy takimet e kthimit, të vlefshme për 1/8-at e finaleve të “Champions League”, mes Juventus dhe Lion dhe Manchester City- Real Madrid.
Manchester City dhe Lioni siguruan biletat për në çerekfinale.
Juventusi kishte humbur 1-0 ndeshjen e parë në Francë dhe synonte përmbysjen.
Në fakt, bardhezinjtë fituan 2-1, por nuk i mjaftoi për t’u kualifikuar, pasi Lioni kalon më tej me rregullin e golit të shënuar në fushë kundërshtare.
Depay realizoi me 11-metërsh për francezët, ndërsa Ronaldo shënoi njw dopjetë për kampionët e Italisë, por nuk i ndihmoi dot për të vazhduar aventurën në Champions.
Manchester City kishte fituar takimin e parë në “Santiago Bernabeu” dhe në shtëpi nuk gabon, duke fituar sërish 2-1.
Sterling dhe Gabrile Jesus shënuan për anglezët, ndërsa goli i spanjollëve mban firmën e Benzema.
Në çerekfinale dy ekipet e kualifikuara, Lion dhe Manchester City, do të përballen me njëri-tjetrin, në një ndeshje të vetme sipas formulës së re të UEFA-s.
Kjo, për shkak të gjendjes jo normale nga pandemia e Koronavirusit.
/Gazetaatdheu.com/