Shqiptarët në Britani janë të revoltuar me termin që sekretarja e brendshme britanike, Suella Braverman, përdori kundrejt tyre duke i cilësuar si kriminelë.
Andi është shqiptari që jeton në Britani prej shumë vitesh, gjatë një emsioni radiofonik të Sangita Myska, ai telefonoi dhenuk nguroj të shprehi hapur shqetësimin e tij me ‘etiketimin’ që po ju bëhet shqiptarëve.
“Kjo është e papranueshme nga një Sekretar i Brendshëm. Nuk kanë faj shqiptarët që sistemi është prishur. Si qytetar britanik, dua që Braverman të japë dorëheqjen”.
Shumica e shqiptarëve erdhën për arsye ekonomike, për të bërë një jetë më të mirë. Ne nuk jemi kriminelë, ne nuk jemi pushtues ne jemi punëtorë të zellshëm dhe taksapagues”, deklaroi ai.
I riu shqiptar shtoi se është larguar në Britani që në moshën 16-vjeçare, dhe si qytetar britanik kërkoi të mos ketë ndarje dhe ofendime mes kombësive.
Kujtojmë, se së fundi dhe kryeministri i Britanisë, Rishi Sunak reagoi pas deklaratës së Ramës, duke thënë se Shqipëria dhe Britania kanë një marrëdhënie paqësore.
