Rritja e çmimeve po çon drejt varfërisë familjet shqiptare. Në një raport të publikuar së fundmi, Banka e Shqipërisë tregon se çmimet e larta dhe inflacioni ka rritur numrin e familjeve shqiptare që janë detyruar të marrin borxhe për të përballuar shpenzimet.
Konkretisht, ka rezultuar se 26% e familjeve që janë përgjigjur (ose 275 familje), deklarojnë se kanë hua për të paguar. Kjo peshë është rritur me 4 pikë përqindje në terma gjashtëmujorë dhe me 2 pikë përqindje në terma vjetorë.
Ndërkaq, rreth 48% i kanë siguruar borxhet nga “burime joformale”, kryesisht tek familjarët, ose në formë malli. Ndërkaq, edhe për këtë vit që jemi qytetarët nuk duken optimist.
Për gjashtëmujorin e parë të vitit 2023, rreth 62% e familjeve nuk presin ndryshim të aftësisë së tyre paguese, ndërsa balanca neto e pjesës tjetër të përgjigjeve sugjeron për pritje pesimiste krahasuar me rezultatet e gjashtëmujorit të kaluar dhe të një viti më parë.
