Deklaratës së sekretarit të Partisë Demokratike Gaz Bardhi I cili sulmoi Metën për takimin me Taulant Ballën për caktimin e datës për zgjedhjet e pjesshme lokale, në 6 bashki që janë pa kryetarë, ka reaguar menjëherë Presidenca. “Ç’na polli belaja me këtë! Ai ka të drejtë të takohet fshehurazi dhe natën me kryetarin e shumicës në Kuvend, ndërsa ne nuk duhet ta takojmë ditën dhe me kamera. Çudi e madhe”, shkruan Tedi Blushi, zëdhënësi i presidentit Meta.
Më herët, Bardhi u shpreh se nuk kishte asnjë habi për takimin e Metës me Ballën, duke thënë se trekëndëshi i Bermudës vazhdon takimet.
“Asnjë habi nga qëndrimi i sotëm i Ilir Metës! Konsultimet mes trekëndëshit të Bermudës ndodhin çdo ditë, para dhe pas kamerave. Sot ishte teatri i rradhës para kamerave”, shkroi në Tëitter Gazment Bardhi.
Ende nuk ka një qëndrim zyrtar nësë në zgjedhjet e pjesshme, Partia Demokratike do të marrë pjesë apo jo.
