Presidenti i Bankës Botërore, David Malpass ka deklaruar se pandemia covid-19 do të sjelli pasoja shkatërrimtare për ekonominë botërore.
Malpass ka paralajmëruar se mënyra e jetesës së miliarda njerëzve do të preket nga pandemia dhe se kriza ekonomike mund të jetë afatgjatë dhe të zgjasë mbi një dekadë.
Banka botërore pas pandemisë e ka përcaktuar varfërinë ekstreme si jetesë me më pak se 1.90 deri në 1.20 dollarë për person në ditë.
Në një intervistë për BBC, presidenti i Bankës Botërore ka treguar se pasojat direkte, humbja e të ardhurave do të jenë shumë të rënda.
“Kombinimi i pandemisë me izolimet, ka bërë që jetët e milarda njerëzve të ndryshojnë. Kjo është shqetësuese. Pasojat direkte, dmth humbja e të ardhurave, por edhe ato shëndetësore dhe sociale, janë shumë të rënda”, ka thënë Malpass.
Sipas presidentit të BB, Malpass, sfida më e madhe është hartimi i planeve të duhura në kohën e duhur.