Senati amerikan, përmes një komisioni të kontrolluar nga Republikanët, ka votuar për ta shpallur fajtor ish-drejtorin e NIAID, Anthony Fauci, në lidhje me menaxhimin e pandemisë COVID-19. Ky vendim radikal erdhi pasi Fauci refuzoi t’u përgjigjej dhjetëra pyetjeve gjatë një seance dëgjimore javën e kaluar. Ai ushtroi të drejtën e tij kushtetuese sipas Amendamentit të Pestë, duke mos dhënë dëshmi që mund ta inkriminonin atë. Tani, ai përballet me rrezikun e një hetimi penal serioz nga Departamenti Amerikan i Drejtësisë.
Komisioni për Sigurinë Kombëtare dhe Çështjet Qeveritare, i udhëhequr nga senatori Rand Paul, votoi në favor të referimit të çështjes për ndjekje penale. Ky veprim përfaqëson një përshkallëzim të madh të tensioneve politike rreth përgjigjes së SHBA-së ndaj virusit. Fauci, i cili ishte figura qendrore e shëndetit publik gjatë pandemisë, tani mund të përballet me pasoja ligjore për veprimet e tij. Referimi i çështjes në Departamentin e Drejtësisë hap rrugën për një proçes që mund të zgjasë me muaj, duke lënë të paqartë të ardhmen e tij.
