“Ballkani është kthyer në një vatër aktive të koronavirusit me shkallë infeksioni shumë të lartë”.
Ky është mendimi i një eksperti austriak virologjie, deklarata e të cilit ka bërë xhiron e rrjetit.
Sipas drejtuesit të Agjencisë për Sigurinë e Ushqimeve dhe Barnave, Franz Allerberger, shkalla e infeksionit në Ballkan duhet të jetë të paktën 50%.
Ai tha për revistën “Profil” se, nuk u beson shifrave që japin vendet e Ballkanit, pasi ato duhet të jenë të paktën dhjetë herë më të larta.
Allerberger, e krahasoi rastin e Ballkanit me atë të fshatit Ischgl në Austri, ku janë infektuar 43%.
Nga ky fshat që shërben si resort turistik, virusi u përhap në mbarë Europën.
Sipas tij, në Ballkan duhet të jenë të infektuar një në dy persona.
Ai solli shembullin e Kosovës dhe Bullgarisë. /Gazetaatdheu.com/
