Pak kohë më parë, në media qarkulloi me shpejtësi lajmi se këngëtarja e famshme, Dafina Zeqiri, dhe miku e kolegu i saj, i njohur si DJ Geek, kishin nisur një lidhje dashurie.
E pasi festuan 14 shkurtin dhe ditëlindjen e saj të 31-të, Dafina sa hap e mbyll sytë i ka dhënë fund kësaj romance të bukur, duke arkivuar kështu lidhjen më të shkurtër të jetës së saj, atë me kolegun simpatik.
Së pari, këtë ndarje e kanë kuptuar fansat, të cilët kanë vënë re se dy muzikantët kishin fshirë fotot e videot çift në “Instagram”. Dhe nuk ka vonuar Dafina duke e deklaruar vetë ndarjen nga kolegu i saj prej shumë vitesh, ndërkohë që janë pjese e së njëjtës kompani muzikore në Prishtinë.
Duke qenë se këngëtarja e famshme dhe shumë e pëlqyer shqiptare, Dafina Zeqiri, dhe DJ Geek prej kohësh kishin rrëmbyer vëmendjen e publikut me ngacmimet që i bënin njëritjetrit në rrjetet sociale, kurioziteti për historinë e tyre është i madh për të mësuar se çfarë ndodhi mes tyre.
Lidhja me Dj. Geek nisi disa muaj pas ndarjes së saj nga ish-partneri Jose. Edhe pse ajo shkëmbente zemra me DJ-in, në një deklaratë për mediat, këngëtarja e mohoi këtë lajm disa muaj më parë.
