Forcat Ajrore të SHBA-së kanë publikuar një video që tregon avionin rus duke përgjuar një dron amerikan dhe duke hedhur karburant mbi të mbi Detin e Zi.
Dy avionë rusë Su-27 fluturuan afër MQ-9 Reaper përpara se njëri të godiste helikën e tij dhe të detyronte operatorët në distancë ta rrëzonin atë në oqean. Incidenti i së martës ka treguar rrezikun në rritje të konfrontimit të drejtpërdrejtë midis superfuqive ndërsa luftimet vazhdojnë në Ukrainë.
Duke mbrojtur vendimin e SHBA-së për publikimin e pamjeve, brigadieri Pat Ryder tha se ata mendonin se ishte e rëndësishme të tregonin sjelljen e rrezikshme të rusëve.
Ai shtoi se SHBA-ja “ndërmori hapa për të mbrojtur informacionin në bordin e avionit dhe kishte indikacione se Rusia ka të ngjarë të bëjë një përpjekje për të rikuperuar mbetjet e dronit. Por ka pak gjasa që ata të jenë në gjendje të rikuperojnë ndonjë gjë të dobishme.”
Ryder shtoi se SHBA nuk kërkon konflikt me Rusinë dhe do të vazhdojë të mbështesë Ukrainën.
