Danimarka dëshiron të ulë moshën në të cilën një vajzë e re mund të kërkojë një abort pa pëlqimin e kujdestarit të saj në 15 nga 18 vjeç, njoftoi sot ministrja e Barazisë Gjinore, Marie Bjere.
Qeveria shpalli vendimin e saj për të mbështetur këtë propozim me rastin e 50-vjetorit të miratimit të ligjit që u jepte grave të drejtën për të zgjedhur abortin. Danimarka ishte një nga vendet e para të Evropës Perëndimore që legalizoi abortin, në vitin 1973. Më parë aborti duhej të miratohej nga një mjek.
Aktualisht gratë e reja nën moshën 18 vjeç lejohen të bëjnë abort, por vetëm me pëlqimin e prindërve të tyre.
“Aborti mund të ngjallë shumë emocione, faj dhe turp. Kërkimi i pëlqimit prindëror për nën 18 vjeç mund të jetë i turpshëm dhe të ketë pasoja të rënda. Ne duam ta ndryshojmë atë në mënyrë që gratë e reja të zgjedhin nëse do të përfshijnë ose jo prindërit e tyre”, shkroi Bjere në Twitter./Zougla
