Darka në restorantin Nusr-et në Dubai, ku ishin të pranishëm ministrat Belinda Balluku, Arben Ahmetaj, këshilltari Endri Fuga, nënkryebashkiaku Arbjon Mazniku dhe biznesmeni Samir Mane, ka ngjallur reagime në shumta në rrjetet sociale.
E ndërsa rrjeti është përmbytur nga memet dhe komentet, ironitë dhe akuzat, Kryeministri Edi Rama, është munduar të justifikojë praninë e ministrave në Dubai me faktin se ato nuk kanë shkuar për qejf, por për punë. Madje Rama shprehet se shpenzimet janë të mikpritësve.
Mes atyre që janë shfaqur në krahun e Ramës, pra duke justifikuar gjithë panoramën, është edhe analisti Dritan Hila, një ish-funksionar i diplomacisë në kohën e qeverive socialiste, dhe më pas për disa kohë zv.ministër i Mbrojtjes në Qeverinë Rama.
Hila në një postim në rrjetet sociale shkruante se delegacionet nuk mund të shkojnë dhe të hanë sufllaqe dhe të flenë në motele pa kondicionerë.
Por pas këtij postimi ka reaguar edhe aktorja Ema Andrea, e cila shkruan se delegacionet dhe politikanët duhet të hanë vakte që mund të përballohen nga xhepi i një qytetar shqiptar.
Ajo e quan të shfrenuar gjithë këtë luks, ndërsa e pyet ish.zv ministrin se a do i kalonte poshtë ushqimi që kushton sa rroga që merr për të ushqyer fëmijët.
Postimi i Ema Andreas:
Po, Z. Hila,
Do me dukej normale,qe politikanet dhe delegacionet te hane vakte(pak rendesi ka çfare ka.ne pjate) me çmime qe mund te perballoheshin nga xhepi e nje qytetari shqiptar me ekonomi te mesme. Me duket e moralshme ne raport me shoqerine dhe economine e vendit qe drejtojne ata.
Ne se nuk eshte takim privat por perfaqesi e vendit qe drejtojne,Po, duhet ta ndjejne por detyre te mos shtiren as ne haje.
Me duket e deryrueshme te mos bejne te frustruarit prej luksit qe dikush tjeter,mund tja lejoje vetes.
Kur perfaqeson vendin qe drejton, nuk ka rendesi çmimi I ushqimit por vertetesia dhe e verteta te ben dinjitoz.
Askush ska problem çfare permban pjata,sufllaqe a suflé, dhe mos e banalizoni keshtu problemin ju lutem.
Do te kalonte ty poshte,ushqimi qe kushton sa rroga qe merr per te ushqyer femijet?
‘Mjerim e krenari ‘
do thoshte dikush!
Ps. Serish,komentet denigruese./boldnews
