DASH: Njësitë e ushtrisë izraelite shkelën të drejtat e njeriut

DASH: Njësitë e ushtrisë izraelite shkelën të…

Departamenti Amerikan i Shtetit ka thënë se pesë njësi të ushtrisë izraelite janë përgjegjëse për shkelje të rënda të të drejtave të njeriut, por thotë se ato do të vazhdojnë të marrin mbështetjen ushtarake të SHBA.

Të gjitha incidentet e përfshira ndodhën jashtë Gazës para luftës aktuale.

Izraeli ndërmori veprime korrigjuese në katër njësi, duke dhënë informacion shtesë për të pestën, thotë departamenti.

Kjo do të thotë që të gjitha njësitë mund të marrin ndihmën ushtarake të SHBA.

Uashingtoni është mbështetësi kryesor ushtarak i Izraelit, duke e furnizuar atë me armë dhe sisteme mbrojtëse me vlerë 3.8 miliardë dollarë në vit.

Njoftimi është përcaktimi i parë i këtij lloji për çdo njësi izraelite nga qeveria amerikane.

Zëdhënësi i Departamentit të Shtetit, Vedant Patel tha se pesë njësi të forcave të sigurisë kryen shkelje të rënda të të drejtave të njeriut.

“Katër nga këto njësi kanë korrigjuar në mënyrë efektive këto shkelje, gjë që ne presim që të bëjnë partnerët”, tha ai.

“Për një njësi të mbetur, ne vazhdojmë të jemi në konsultime dhe angazhime me qeverinë e Izraelit; ata kanë dorëzuar informacione shtesë sa i përket asaj njësie”, shtoi ai.

Departamenti mohon pretendimet se është tërhequr nën presionin politik duke vazhduar ndihmën ushtarake për njësinë, pavarësisht se nuk është në gjendje të thotë nëse ka pasur apo jo ndonjë përgjegjësi në këtë rast.

Të gjitha incidentet besohet se kanë ndodhur në Bregun Perëndimor të okupuar dhe Jerusalemin vitet e fundit.

SHBA thuhet se ishte në prag të njoftimit se do të shkurtonte ndihmën ushtarake për njësinë e pestë, por me informacionet e reja nga Izraeli do të marrë një vendim më vonë.

Njësia e përfshirë raportohet gjerësisht të jetë batalioni Netzah Yehuda, një njësi speciale vetëm për burra, e krijuar në vitin 1999 ku shërbejnë hebrenjtë ultra-ortodoksë. 

Më Të Klikuarat

Lajmet e fundit