Davide Pecerollit, biznesmeni italian që u zhduk për 9 muaj në vendin tonë duket që nuk i ka mjaftuar thesari që ka gjetur në ishullin Montecristo, teksa ka nisur të kërkojë punë pasi është në gjendje të vështirë ekonomike.
Pecerolli i ka kërkuar organizatës Caritas di Citta në Castello që ta ndihmojë me një punë, qoftë edhe si punëtor i thjeshtë vetëm për të mbajtur familjen.
Caritas, është një organizatë që mbështet njerëzit dhe familjet që janë në vështirësi ekonomike.
Davide Pecorelli:
Vështirësitë e mia ekonomike janë të qarta dhe kanë zgjatur prej muajsh, që kur jam nisur për Shqipëri. Në këtë fazë më duhet që të rifutem në lojë, duhet të mendoj për fëmijët, edhe pse e përsëris që nuk do të jem më sipërmarrës në Itali.
