Në momentin ku Messi lajmëroi se do të largohej nga ekipi i Barcelonës, ai shpërtheu në lot gjatë gjithë konferencës. Ai nuk i përmbajti emocionet dhe menjëherë nisi të përlotej sapo doli para gazetarëve për të folur.
Në ato momente, bashkëshortja e tij, Antonela Rocuzzo, i dha Messi-t një pecetë për të fshirë lotët. Por ajo që i ka habitur të gjithë së fundmi, është fakti se kjo pecetë është nxjerrë në ankand.
Lajmin për shitjen e saj e kanë bërë të ditur mediat spanjolle. Shuma fillestare e pecetës është 1 milion dollarë.
Fansi i tij donte që të përfitonte nga shitja e pecetës të cilën futbollisti e la mbi tavolinë.
Personi në fjalë e ka marrë pecetën dhe e ka nxjerrë në shitje për 1 milion dollarë në një nga faqet më të njohura spanjolle.
