Koronavirusi në Shqipëri nuk ka “kursyer” as qytetet më të izoluara dhe më të vogla.
Një tjetër rast me koronavirus është shënuar ditën e sotme në qytetin e Delvinës. Mësohet se i infektuari është një polic bashkiak.
Ai dyshohet të jetë infektuar nga kunati i tij, i cili është pacienti i parë me Covid-19 në këtë qytet.
Pas këtij rasti ka nisur dezinfektimi i zyrave të Bashkisë, ku punonjësve u është dhënë një orë leje deri në përfundim të këtij procesi.
Kujtojmë se MSH njoftoi ditën e sotme 78 raste me koronavirus. Gjithashtu në spitale është rritur edhe numri i të shtruarve./Gazetaatdheu.com/
