Ilir Beqaj duket se e ka kthyer në rutinë, lëshon nga një ‘perlë’ çdo javë.
Ai ka qenë një nga ministrat me më shumë fonde publike që i çonte për klientët e Rilindjes.
Kur fliste sot në foltoren e Kuvendit, Beqaj deklaronte se 4 vitet e fundit, balanca primare në ekonomi ka qenë pozitive.
Edhe pse në 6 vite borxhi u rrit me 18%, deputeti i perlave u shpreh se shqiptarët jetojnë me mirë sot, sepse të ardhurat për frymë u rritën me 25%.
“Ka 4 vjet që lodhet Ahmetaj duke iu shpjeguar balancën primare. Sot po vendosim, nga 2023-shi nuk është më negative. Do të thotë që në 4 vitet e fundit është pozitive. Ja ku është 10 vjet negative, balanca primare. Meqë opozita jashtëparlamentare ka dy javë që thotë se si borxhi publik i ka varfëruar shqiptarët, ja ku është e vërteta, 2013-2019. Këta jemi ne. Në 6 vite borxhi u rrit me 18%, por u rritën me 25% të ardhurat për frymë. Shqiptarët jetojnë më mirë jo falë borxhit. Ne nuk jemi më të mirët, por më të mirë se ne nuk ka.” – deklaroi Beqaj.
/Gazetaatdheu.com/
