Astro-fermerët janë çelësi i një të ardhmeje afatgjatë jashtë planetit. Shkencëtarët evropianë kanë hartuar një plan në mënyrë që të rrisin bimë në Hënë, duke u hapur rrugën kështu njerëzve qër t’u bërë qenie shumëplanetare.
Ata tashmë kanë arritur të rritin fasule duke përdorur tokën e Hënës, si burimin kryesor të lëndëve ushqyese. Analiza e mostrave hënore të kthyera në Tokë tregon se toka në Hënë ka shumicën e mineraleve thelbësore për rritjen e bimëve, përveç njërit. Tokës dë Hënës i mungon azoti. Toka hënore ngjeshet gjithashtu kur ujitet, gjë që mund të pengojë rritjen e rrënjëve dhe mbirjen e bimëve.
Por shkencëtarët në Agjencinë Evropiane të Hapësirës (ESA) kanë një truk të zgjuar për të rritur bimë jashtë tokës hënore, që quhet bujqësi hidroponike. Sistemet hidroponike rritin bimët drejtpërdrejt në ujë të pasur me lëndë ushqyese, në vend të tokës. Por shkencëtarët dhe ekspertët e minierave në Institutin Gjeoteknik të Norvegjisë janë ende duke punuar në “vënien në punë të tokës hënore”.
Ata kanë paraqitur një plan për të përdorur një zonë të klasifikimit mekanik për t’i dhënë kopshtit hidroponik të gjitha lëndët ushqyese që i nevojiten për të lulëzuar. Kjo përfshin tërheqjen e të gjitha lëndëve ushqyese të duhura nga papastërtitë e Hënës dhe pompimin e tyre në ujin e kopshtit, raporton The Sun.
“Kjo punë është thelbësore për eksplorimin afatgjatë të Hënës në të ardhmen. Arritja e një pranie të qëndrueshme në Hënë do të përfshijë përdorimin e burimeve lokale dhe marrjen e aksesit në lëndët ushqyese të pranishme në tokën hënore me potencialin për të ndihmuar në kultivimin e bimëve. Studimi aktual përfaqëson një provë të parimit duke përdorur simulantët e disponueshëm të tokës hënore, duke hapur rrugën për kërkime më të detajuara në të ardhmen”, shpjegoi inxhinierja e materialeve dhe proceseve të ESA, Malgorzata Holynska.
