Një dhëndër u qëllua për vdekje në Meksikë vetëm pak çaste pasi u martua gjatë fundjavës – në një rast tragjik identiteti të gabuar mes luftërave të vazhdueshme të karteleve në rajon.
Marco Antonio Rosales Contreras, 32 vjeç, po largohej nga ceremonia e tij e dasmës në kishën Neustra Señora de La Candelaria në Caborca rreth orës 17:00 me orën lokale të shtunën kur u godit nga plumba të shumtë, raportoi El Universal .
Dëshmitarët më vonë thanë se të shtënat erdhën nga një burrë i vetëm i paidentifikuar, i cili u largua me vrap në rrugë. Antonio, një inxhinier kompjuteri nga Guadalajara, u shpall i vdekur gjatë rrugës për në spital.
Pamjet video tregojnë gruan e tij të re duke u shoqëruar nga kisha në histerikë, me fustanin e bardhë të nusërisë të njollosur me gjak.
