Një konflikt që dyshohet se ndodhi më 12 mars mes çiftit N.B dhe F.B në Zvicër përfundoi me vdekjen e gruas kosovare, F,B. Ajo vdiq më 19 mars, pas një jave në kujdesin intensiv.
Nga Prokuroria zvicerane thuhet se burri saj është në paraburgim dhe është duke u hetuar. Gjithçka ndodhi në shtëpinë e tyre në Schafisheim të Zvicrës.
44-vjeçarja së bashku me burrin e saj, N.B, 46-vjeçar kishin tre fëmijë nga lidhja bashkëshortore.
Në mediat zvicerane thuhet se njëra nga vajzat e kishte lajmëruar rastin e dhunës në Polici. Viktima F.B ishte gjetur në gjendje tejet të rëndë dhe raportohej se ndihma e parë e kishte kthyer në jetë.
Ende nuk dihen arsyet e konfliktit mes tyre që dyshohet se çuan deri në vrasjen e F.B.
Prokuroria në Zvicër thotë se ende nuk dihet motivi që dyshohet se e ka shtyrë kosovarin që ta rrahë gruan për vdekje, por se janë duke vazhduar hetimet në këtë drejtim.
