I dyshuari kryesor për vrasjen e 18-vjeçares Marigona Osmani në Ferizaj të Kosovës, 29-vjeçari Dardan Krivaqa është liruar në vitin 2012 dhe 2017 tre muaj përpara se të përfundonte dënimin.
Sipas një raporti të siguruar nga mediat, rezulton se këto vendime janë marrë nga drejtorët e burgut të Gjilanit dhe Dubravës dhe janë konfirmuar dhe nga ana e Ministrisë së Drejtësisë së Kosovës.
“Personi në fjalë është pranuar në QP në Gjilan më 21.10.2012, ku ishte i dënuar me dy vite e pesë muaj për veprën penale, Vjedhje e rëndë dhe armëmbajtje pa leje”, thuhet në përgjigjen e Ministrisë së Drejtësisë.
