Djali i ciganit më të pasur të Britanisë së Madhe është kthyer në mysliman, pasi përjetoi një moment që i ndryshoi jetën.
Alfie Best Jnr, 25 vjeç, nuk është i panjohur pasi babai i tij, Alfie Snr, 53 vjeç, ka një vlerë neto prej 740 milionë funte, një flotë makinash ekstravagante, një helikopter dhe një jaht.
Megjithatë, milioneri i ri cigan rom, i cili ka një pasuri rrerh 12 milionë euro, thuhet se u ndje sikur diçka i mungonte jetës së tij derisa gjeti Islamin, i cili i dha atij paqe të brendshme.
Alfie Jnr beson se ai është udhëtari i parë që u konvertua në Islam, gjë që ndodhi pas një udhëtimk dreke në Cornwall. Duke folur për The Sun, Alfie Jnr tha: “Unë jam unik, jam i vetmi cigan që jam konvertuar në mysliman. Nuk është diçka që dua ta fsheh. Duke qenë një udhëtar kam pasur stigmë që kur isha në shkollë dhe e kam akoma deri më sot. Unë jam marrë me të gjithë jetën time dhe nuk më shqetëson vërtet. Më ka bërë një person më të fortë.”
Jeta e boksierit profesionist ndryshoi shtatorin e kaluar kur ai dhe katër shokë fluturuan me helikopterin e babait të tij për në Cornwall për një drekë.
Njëri prej shokëve të tij, i cili është i bardhë dhe anglez, duhej të largohej herët sepse nëna e tij po përgatitej për The Shahada, duke deklaruar besimin e saj në një Zot, Allah, në një xhami në Lewisham, në juglindje të Londrës.
Alfie Jnr dhe shoku i tij po planifikonin të merrnin ushqim më pas dhe në vend që të priste jashtë, ai vendosi të hynte brenda, në momentin kur ai ndjeu ‘të gjithë trupin e tij t’i dridhej’ dhe ndjeu diçka që nuk e kishte përjetuar kurrë më parë.
“Ne ishim duke shkuar për ushqim më pas, kështu që ishte ose të ulesha jashtë në makinë ose të hiqja këpucët dhe të shkoja në xhami. Shoku im qau ndërsa e shikonte mamin duke i marrë Shahadën. Dhe ndjeva diçka që nuk e kam përjetuar më parë në asnjë vend fetar. Si cigan, kam qenë në shumë kisha dhe besoj në Zot. Më është dridhur gjithë trupi, pasi kjo është e duhura për mua”, tha ai. /Ladbible
