44 persona gjetën vdekjen dhe 7 të tjerë mbetën të plagosur nga aksidenti i rëndë i ndodhur në Bullgari, ku një autobus ku gjendeshin edhe shtetas shqiptarë, mori flakë. Shaip Nauf Al Salah, 36 vjeç është shtetasi i Emirateve të Bashkuara Arabe i cili është zhdukur në mënyrë të mistershme. Ai nuk bënte pjesë në listën e të mbijetuarve.
Hetuesit bullgarë janë vënë në kërkim të tij, pasi nuk dihet fati i të riut ende që pas aksidentit tragjik. Nëse mblidhet numri i viktimave 44 dhe numri i të mbijetuarve 7 atëherë ato janë gjithsej 51 persona, ndërsa në pikët kufitare janë identifikuar 52 persona. Njëri prej të mbijetuarve tha se 8 persona kanë arritur që të dalin gjallë nga autobusi, por shtetasi arab vazhdon të rezultojë i humbur pa gjurmë.
