Presidenti amerikan Donald Trump tha të dielën, se beson se rreth 100,000 amerikanë mund të vdisnin si pasojë e pandemisë së koronavirusit, pasi numri i vdekjeve kaloi vlerësimet e tij të mëparshme. Trump tha se ishte i sigurt se vaksina mund të zhvillohet deri në fund të vitit.
Trump foli gjatë një interviste virtuale dy-orësh të transmetuar nga FOX Nesws, për një rikuperim të shpejtë të ekonomisë amerikane dhe hedhjen e fajit për përhapjen e pandemisë ndaj Kinës, ku sëmundja besohet të ketë origjinën.
Sëmundja e COVID-19, e shkaktuar nga koronavirusi i ri, ka prekur më shumë se 1.1 milion njerëz në Shtetet e Bashkuara dhe ka vrarë më shumë se 67,000 amerikanë, duke mbyllur të gjithë shoqërisë, përfshirë shumicën e shkollave dhe shumë bizneseve.
“Ne do të humbasim diku nga 75,80 deri në 100,000 njerëz. Kjo është një gjë e tmerrshme”, tha Trump, i cili pak kohë më parë të premten kishte thënë se shpresonte se më pak se 100,000 amerikanë të vdisnin dhe më herët gjatë javës kishte folur për 60,000 deri në 70,000 vdekje.
Rreth gjysma e shteteve tani janë zhvendosur drejt të paktën heqjes së pjesshme të mbylljeve pasi numri i rasteve të reja të sëmundjes COVID-19 ka filluar të bjerë ndërsa qytetarët protestojnë për t’u çliruar nga kufizimet që e kanë dërguar ekonominë në një kolaps.
“Ne nuk mund të qëndrojmë të mbyllur si një vend (ose) nuk do të kemi një vend të tillë”, tha Trump. Trump ka kritikuar FOX News kohët e fundit. Ai u përball me disa pyetje të vështira rreth situatës, të cilat i dhanë atij një format të ri për të arritur publikun ndërsa ai nuk është në gjendje të zhvillojë fushatë dhe pasi u përball me kritika të gjera për njoftimet e tij të përditshme luftarake.
Në një vlerësim që përplaset me ata të disa ekspertëve të shëndetit publik, Trump tha se ai besonte se deri në fund të vitit do të kishte një vaksinë kundër COVID-19.
“Unë mendoj se do të kemi një vaksinë deri në fund të vitit. Unë do të them atë që mendoj … Unë mendoj se do të kemi një vaksinë më shpejt se më vonë”
