Të dielën, dy të dyshuar dërguan në Spitalin e Ferizajt një vajzë 18-vjeçare pa shenja jete.
Në kërkesën e paraburgimit ku janë përshkruar dyshimet e para që çuan në vrasjen e tashmë të ndjerës, 18-vjeçare M.O..
Një natë më parë, dhuna kishte filluar ndaj viktimës. Motivet sipas prokurorisë ishin xhelozie.
“Ekziston dyshimi i bazuar se më 22 gusht 2021, rreth orës 15:00, në rrugën “Ramdan Rexhepi”, në Ferizaj, në banesën e të pandehurit D.K., me dashje, në mënyrë mizore për motive të ulëta e keqtrajtuar viktimën”, thuhet mes tjerash në arsyetimin e kërkesës për paraburgim.
Dosja e prokurorisë së 18 vjeçarës thotë më tej se ajo u keqtrajtua dy ditë deri në vdekje.
Sipas prokurorisë, gjatë gjithë kohës në vendngjarje ishte edhe i dyshuari tjetër me inicialet A.S. por ai nuk kishte marrë asnjë veprim.
Gjatë ditës së djeshme një vajzë 18 vjeçare ishte dërguar pa shenja jetë në emergjencën e spitalit të Ferizajt.
Policia e Kosovës kishte njoftuar se ajo ishte dërguar në spital nga dy persona, të cilët u identifikuan pas disa orësh. Njëri nga të dyshuarit është arrestuar, ndërsa i dyshuari tjetër ende është në arrati.
Kryeprokurori i Prokurorisë Themelore të Ferizajt, Shukri Jashar tha sot përmes një konference për media se shumë shpejt pritet arrestimi i të dyshuarit të dytë, në lidhje me vrasjen e vajzës 18 vjeçare në Ferizaj.
Nga Prokuroria kanë deklaruar se dyshuari i arrestuar tashmë A.S., ka një aktakuzë aktive të vitit 2013 për tentim vrasje.
