Drejtori i Inspektoratit të Mbrojtjes së Territorit në Bashkinë e Tiranës, Mariglen Qato, është përfshirë në një tjetër aferë korruptive. Është bërë i madh skandali se si kompania e të afërmve të Qatos kishte përfituar miliarda lekë nga tenderët e ujësjellësit në Tiranë.
Tani mësohet se ai ka përfituar edhe tenderin për shembjen e pallateve te “Myslym Keta” përmes firmës “5D”, e cila është në pronësi të vjehrrit të vëllait të Maringlen Qatos.
Gjithashtu,Sipas kallëzimit të bërë nga avokatja Adriana Kalaja dyshohet se për shembjen e pallateve janë falsifikuar dhe dokumentet për kostot e rindërtimit.
Kompania “5D Konstruksion”, në pronësi të të afërmve të drejtorit të Inspektoratit të Mbrojtjes së Territorit në Bashkinë e Tiranës, Mariglen Qato, përfitoi tenderin për shembjen e 13 pallateve te rruga “Myslym Keta”.
Kujtojmë se shtëpitë e banorëve të kësaj lagje u shemben në mënyrë tinzare një mëngjes herët.