Në Malin e Zi, bartësi i listës opozitare “E zeza mbi të bardhë”, Dritan Abazoviç i tha se fituesit e zgjedhjeve parlamentare do të kërkojnë një qeveri ekspertësh si forma më e mirë e ndërrimit të pushtetit.
Zoti Abazoviç, tha se njohja e Kosovës nga Mali i Zi është një çështje e mbýllur dhe se qeveria e re do t’i përkushtohej fuqíshëm integrimit evropian dhe bashkëpunimit rajonal.
Ditën e sotme ai dha një konferencë për shtyp për mediat shqiptare.
Ai u shpreh se kryeministri i ardhshëm i Malit të Zi duhet ta çojë vendin drejt BE-së.
“Qeveria jonë do të punojë në interes të qytetarëve. Nëse formohet qeveria, ne jemi “çelësi” i saj. Unë nuk u largohem përgjegjësive politike që kam. Kam marrë mesazhe urimi nga liderët politikë shqiptarë. Ndonëse jam i ri në politikë, do zgjerojmë marrëdhëniet me Shqipërinë. Jam i hapur për çdolloj bashkëpunimi që çon në zgjidhjen e konflíkteve në rajon. Më kanë kërcénuar dhe kam patur présion, mua nuk më blejnë e as korrùptojnë. Kemi bërë një punë të madhe dhe një punë e madhe është para nesh tashmë”, u shpreh ai ndër të tjera.
Sa i përket mundësive që ai të jetë kryeministër i Malit të Zi, Abazoviç tha:
“Nuk e di a do të jetë ajo zgjedhje. Nuk jam i interesuar a do vijojë në atë drejtim. Kryeministri i Malit të Zi duhet të jetë dikush që do punojë në interes të qytetarëve dhe do e çojë malin e Zi në BE. Nuk ka rëndësi a është Dritani apo kush tjetër. Shumë sfida i kam marrë përsipër dhe nuk i kam ikur as tani. E di që është shumë e vështirë por këtu jam. I gatshëm të jap çdo kontribut”, deklaroi ai.
