Sot i është dhënë lamtumira e fundit Eduart dhe Silvana Gushi me dy vajzat e tyre, Evën dhe Anastasian, që u shuan dje në një aksident tragjik në autostradën Fier-Vlorë.
Bashkia Patosit ka marrë përsipër shpenzimet e varrimit e katër anëtarëve të një familjeje.
Nëna e Silvana Gushit dhe gjyshe e dy vajzave Anastasia dhe Eva u ka dhënë sot, gjithashtu, lamtumirën e fundit vajzës, mbesave dhe dhëndrit.
Bashkëshorti dhe persona të tjerë e mbajnë nga krahët, ndërsa ajo vajton humbjen e të shtrenjtëve të saj.
“O lulet e nënës çfarë më bëtë”, dëgjohet të thotë ajo.
Gjithashtu me pikëllim të madh janë rrëfyer dhe banorët e Patosit.
Një I moshuar pohoi për mediat se e njihte shumë mirë këtë familje, që kishte emigruar drejt Greqisë për një jetë më të mirë, por fati i tyre u pre dje në mes në një aksident tragjik.
