Një ngjarje tragjike është regjistruar në qytetin bregdetar të Durrësit.Një grua rreth 40-vjeç është gjetur e pajetë brenda një makine të parkuar dhe jashtë funksionit në lagjen numër 4 të qytetit.
Njoftimi i policisë:
Më datë 13.09.2021, në lagjen nr.4, Durrës, në një mjet të parkuar prej kohësh (në gjendje jofunksionale), është gjetur pa shenja jete një shtetase ende e paidentifikuar rreth 40 vjeçe, (endacake).
Nga këqyrja paraprake nuk janë konstatuar shenja dhune dhe dyshohet se ka ndërruar jetë nga shkaqe natyrale. Grupi hetimor po punon për përcaktimin e shkakut të vdekjes dhe identifikimin e viktimës.
