Një sasi mallrash ushqimore të padeklaruara janë sekuestruar nga dogana e Durrësit.
Në njoftimin për mediat bëhet e ditur se mallrat ishin të futur në një kamion që importonte material porositësi (fason).
Mallrat ishin të padeklaruara, detyrimi i munguar doganor i të cilave ishte 700 mijë lekë.
Njoftimi i plotë:
Durrës, sekuestrohen mallra ushqimore të padeklaruara, detyrimi i munguar doganor 700 mijë lekë
Strukturat e Administratës Doganore kanë sekuestruar një sasi të konsiderueshme mallrash ushqimore në Degën Doganore të Durrësit.
Mallrat, të cila ishin të futura në një kamion, i cili importonte material porositësi (fason), ishin të padeklaruara.
Vlera e këtyre mallrave, të cilat nuk kishin paguar detyrimet doganore, kap shifrën e 700 mijë lekëve.