Një konflikt mes disa personave ka përfunduar me plagosjen e një 30-vjeçari mbrëmjen e sotme në zonën e Plazhit, në Durrës.
Ngjarja është regjistruar në zonën e njohur si “Rrota e Kuqe”, ku dyshohet se shkak i përplasjes mes personave të përfshirë ka qenë një vend parkimi.
Gjatë konfliktit, 30-vjeçari dyshohet se është goditur me thikë dhe është transportuar me ambulancë drejt Spitalit Rajonal të Durrësit, ku ka marrë ndihmën e nevojshme mjekësore. Sipas informacioneve paraprake, ai i është nënshtruar edhe një ndërhyrjeje kirurgjikale.
Ndërkohë, policia po punon për zbardhjen e plotë të rrethanave të ngjarjes dhe identifikimin e personave të përfshirë.
Deri më tani nuk ka një njoftim zyrtar për identitetin e të plagosurit apo personat e dyshuar si autorë.