Një ngjarje shqetësuese është raportuar pasditen e sotme në zonën e Plazhit në Durrës, ku një fëmijë 6-vjeçar me shtetësi ukrainase është shpallur i humbur.
Sipas informacionit të mbërritur në redaksinë e JOQ Albania, vogëlushi ndodhej me familjen e tij në stacionin e parë të Plazhit, kur humbi kontaktet me prindërit. Menjëherë është njoftuar policia, ndërsa janë nisur kërkimet për gjetjen e tij.
Fëmija është i veshur me rroba banje me personazhin Spider-Man. Deri në momentin e publikimit të këtij lajmi, ai ende nuk është gjetur.
JOQ Albania publikon edhe foton e të miturit me shpresën se sa më shumë qytetarë ta shohin dhe të ndihmojnë në lokalizimin e tij.
Nëse e keni parë fëmijën ose keni informacion që mund të ndihmojë në gjetjen e tij, ju lutemi njoftoni menjëherë Policinë e Shtetit ose kontaktoni redaksinë e JOQ Albania. Çdo informacion, sado i vogël, mund të jetë vendimtar.
