Të tjera dëshmi tronditëse po pasurojnë mozaikun e tragjedisë të ndodhur në Kombinat të Tiranës më 2 korrik, në familjen Josifi.
Dhimitraq Paskali, xhaxhai i Blerta Josifit, e vetmja e mbijetuar e familjes Josifi në Kombinat të Tiranës, nxori në dritë detaje tronditëse nga rrëfimet që kishte bërë mbesa e tij.
Në një interviste telefonike për emisionin “Me zemër të hapur” në “News24”, ai bëri dëshminë tronditëse.
Dhimitraqi tha se, kishte tentuar që të pyeste mbesën e tij, për personat me kostume të zinj, që hynin në banesën e tyre.
Por Blerta, sipas tij, kishte refuzuar që të fliste.
Po ashtu ai tha se, ka dyshime të forta se Blerta ishte porositur nga nëna e saj edhe për ceremoninë mortore.
Ajo i kishte lënë amanet, që t’i vendosnin Zhanetës dhe Anisës trëndafila të bardhë dhe të kuq te varri.
“Për atë shqetësohem. Nuk flet për ata ajo. Nuk i zë në gojë ata. Deri sa është lyer trupi i vajzës me parafinë, dikush e ka dhënë këtë mësim.
Ajo më porosit që varrimi të bëhet i rregullt dhe më tha; do t’i vësh trëndafila të kuq e të bardhë.
Këtë detyrë do e ketë marrë nga nëna e saj. Këto porosi si ka nga vetja”,- tha xhaxhai i Blertës./Burimi: BW/Gazetaatdhu.com/
