Dy aksidente kanë ndodhur brenda pak minutash në Tiranë mesditën e sotme.
Një kamion ka përplasur një person që lëvizte me biçikletë, ndërsa një makinë ka aksidentuar një fëmijë 8-vjeçar te rrethrrotullimi i “Komunës së Parisit”.
Të dy të plagosurit janë dërguar në spital për ndihmë mjekësore dhe mësohet se ndodhen jashtë rrezikut për jetën.
Informacione paraprake
Rreth orës 13:55, në rrugën “Jordan Misja” mjeti kamion me drejtues E. K., rreth 37 vjeç, ka aksidentuar biçiklistin shtetasin G. R., rreth 60 vjeç, i cili ndodhet në spital, nën kujdesin e mjekëve.
Rreth orës 14:15 , tek rrethrrotullimi i “Komunës Parisit”, mjeti me drejtuese shtetasen S. P., 36 vjeçe, ka aksidentuar një fëmijë me iniciale E. Dh., rreth 8 vjeç, i cili ndodhet në spital, jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të ngjarjeve.