Autoritetet në Spanjë kanë prangosur dy shqiptarë, teksa dyshohen se janë autorë të një vrasje që ka ndodhur dy vite më parë në qytetin Volfsburgut në Gjermani. Shqiptarët e arrestuar janë identifikuar si Orgest Kurteshi dhe Eglis Veraj. Pritet që këta të fundit pas arrestimit, të ekstradohen drejt Gjermanisë. 33-vjeçari, Orgest Kurteshi dhe 27-vjeçari Eglis Veraj, akuzohen për një vrasje të ndodhur në gusht të vitit 2019, në Vorsfelde të Volfsburgut, ku mbeti i vdekur një 20-vjeçar. Gjithashtu në këtë krim mbeti i plagosur një 31-vjeçar. Për kapjen e autorëve, policia në Spanjë organizoi skuadrën prej 25 anëtarësh të quajtur “Tattoo”, pasi pak kohë para se të vriteshin, dy të rinjtë sapo kishin dalë nga një studio tatuazhi. Pista e hetimeve është përqendruar tek prishja e pazareve të drogës, ndërsa pritet zbardhja e rastit.
