Në mënyrë të përsëritur, kryetari i Bashkisë së Tiranës Erion Veliaj, injoron urdhrat e Ministrisë së Shëndetësisë për mospërhapjen e koronavirusit.
Numri i të prekurve nga coronavirus në shqipëri ka shkuar në 2,662, prej të cilëve 1,034 janë aktiv numri më i madh i të cilëve është shtuar në javët e fundit.
Për këtë qëllim ministria ka kërkuar shmangien e grumbullimeve dhe takimeve politike.
“Ministria e Shëndetësisë ju bën thirrje për tu kujdesur për veten. Përdorni maskë në ambjente të mbyllura ku nuk mund të ruani distancën me njëri-tjetrin”.
Pavarësisht kësaj kryetari i Bashkisë së Tiranës në asnjë moment nuk ndal takimet me të vetmin qëllim, propagandën.
Ky takim ku pjesëmarrja duket shumë e lartë dhe pa asnjë masë, është zhvilluar këtë të enjte.
Dhe i pyetur nga televizioni mbi rrezikun që mbart, Veliaj preferon të vazhdojë me vazhdën e provokimeve dhe të papërgjegjshmësisë.
Muajin e kaluar, kryetari i Bashkisë së Tiranës Erion Veliaj organizoi një koncert në Amfiteatrin e Tiranës. Nga pamjet e publikuara nga vetë ai në rrjetat sociale, dukej se të pranishmit nuk po respektonin distancimin social.
/Gazetaatdheu.com/