Gjithnjë e më shumë po flitet për një largim të Leo Messit nga Barcelona në fund të sezonit.
Mbrëmja e djeshme nuk ishte më e mira për Barcelonën.
Përveç humbjes në shtëpi me Osasunën, rivalët e tyre të përjetshëm të Real Madridit fituan kampionatin.
I pari që reagoi për humbjen ishte kapiteni, Leo Messi.
Argjentinasi u shpreh shumë i mërzitur pas ndeshjes, si dhe kërkon një reagim nga skuadra.
Pasi kështu rrezikojnë dhe eliminimin nga Napoli në Champions League.
Ajo që i ka habitur të gjithë ditën e sotme është veprimi i 33-vjeçarit.
Messi ka bërë follow në ‘’Instagram’’ faqen e Manchester City, duke dhënë kështu një si sinjal për një largim të mundshëm nga Katalonja.
Tifozët e City janë të parët që kanë reaguar, duke e cilësuar kështu veprimin e Leos si një shenjë për drejtuesit në merkato.
Një ribashkim i sulmuesit me Guardiolën ka kohë që flitet, por që mund të marrë formë sezonin e ardhshëm.
Duke parë që edhe përjashtimi nga Championsi tashmë i është hequr, ndoshta Messi po e mendon seriozisht kalimin në Premier League.
Aty ai do të gjente patriotin dhe mikun e tij të ngushtë, Sergio Agueron.
Mbetet për t’u parë se cili do të jetë vendimi i Leos, nëse ka diçka konkrete apo është thjesht një follow në ‘’Instagram’’.
/Gazetaatdheu.com/