Adjola Lakra, është vajza e cila i punoi rreng të dashurit të saj tashmë të ndjerë.
Ajo dyshohet se shërbyeu si njeriu “karrem”, duke e thirrur për takim Hekuran Billën, të mbeti i vrarë më 11 qershor 2020 në zonën e “Kristalit” në kryeqytet.
Lakra, ka pasur komunikimet e fundit me Billën, 40-vjeçari i cili është ekzekutuar me 19 plumba automatiku “MP5”.
Ditën e ngjarjes vajza është shoqëruar në polici dhe ka dhënë shpjegime rreth lidhjes së tyre, ku ka pranuar afrimitetin që ka pasur me viktimën Billa.
Por lënia e saj të lirë, ka bërë që policia ta mbajë në mbikëqyrje duke kryer përgjimin e saj.
Vetëm pas 15 ditë ndjekje dhe verifikimin e kësaj shtetase, policia dhe prokuroria e Tiranës janë bindur se, Adjola Lakra, e dashura e Hekuran Billës, ka bashkëpunuar me Viktor Markun dhe Sebastian Malin, për ekzekutimin.
Nuk dihet me saktësi se cilat kanë qenë veprimet e 26-vjeçares, por dyshohet se ajo u ka dhënë informacione Sebastian Malit dhe Viktor Markut, për vendodhjen e Hekuran Billës.
Kaq ka mjaftuar që policia dhe prokuroria të urdhërojnë arrestimin e Adjola Lakra, e cila pritet që në ditët në vijim të dalë para gjykatës së Tiranës, për t’u njohur me masën e sigurisë “arrest në burg”./Gazetaatdheu.com/