Edhe pse jemi në pikun e sezonit turistik, ku fundjavat supozohet të mbushen plot me pushues, realiteti në terren duket krejt ndryshe në disa nga zonat më popullore të bregdetit tonë.
Një qytetar ka shkrepur disa foto pasditen e sotme nga plazhi i Shkëmbit të Kavajës, duke treguar një pamje mjaft dëshpëruese për turizmin vendas. Siç shihet në fotot e dërguara, rreshtat e pafundëm të shezlongëve dhe çadrat e mbyllura qëndrojnë plotësisht bosh.
Mesazhi i qytetarit: “Pershendetje JOQ. Ora 16:00 e shtune, plazhi i Shkembit te Kavajes pa njeri.”
Në kushte normale, ora 16:00 e një dite të shtunë do të duhej ta gjente plazhin të tejmbushur me njerëz që shijojnë rrezet e pasdites, por pamjet flasin vetë: një braktisje pothuajse totale.
Çmimet e kripura, shërbimi apo thirrjet e vazhdueshme të qytetarëve për të bojkotuar plazhet private? Arsyet mbeten për t’u diskutuar, por kjo pamje në fillim korriku është padyshim një këmbanë alarmi për operatorët turistikë.
