Një ngjarje e rëndë është shënuar në një kopsht zoologjik në Montredon-Labessonnie të Francës. Një kope me 9 ujqër dolën nga kafazet e tyre gjatë orarit kur në kopsht kishte vizitorë, por për fat të mirë asnjë person nuk u lëndua. Për pasojë kopshti është mbyllur përkohësisht.
Rojet e sigurisë u vunë menjëherë në lëvizje duke vrarë 4 nga kafshët. Sakaq, 5 të tjerët u kthyen sërish në kopshtin zoologjik.
“Nuk kishte shumë njerëz në kopshtin zoologjik dhe askush nuk ishte në rrezik”, tha Fabien Chollet, një zyrtar lokal, teksa shtoi se kopshti do të mbyllet të paktën deri në mesin e janarit për shkak të punimeve që po kryhen për sigurinë.
