Ajo që duhet të ishte një ditë normale plazhi në Durrës, ka rezultuar tragjike për një shtetas kosovar 60-vjeçar.
Ai ka humbur jetën duke u mbytur në det mesditën e sotme, në vendin e njohur si plazhi i “Hekurudhës” në Shkozet të Durrësit.
Ngjarja ka ndodhur pak minuta më parë dhe nga banorët e zonës u njoftua Policia dhe ambulanca që shkuan menjëherë në vendngjarje.
Ende nuk bëhet i ditur shkaku i saktë që i shkaktoi mbytjen të ndjerit me inicialet R.B. nga Kosova.
Durrës/ Informacion paraprak nga policia:
“Më datë 06.07.2020, rreth orës 13:00, në lagjen nr.13, Plazh, Durrës, shtetasi kosovar R.B., 60 vjeç, dyshohet se është mbytur duke u larë në det, e për pasojë ka ndërruar jetë”.
/Gazetaatdheu.com/