Një aksident me pasojë plagosjen e një të moshuare është regjistruar këtë të diel në rrugën Transballkanike.
Sipas informacioneve paraprake, një automjet tip “Toyota” ka përplasur një grua rreth 75 vjeçe, e cila po kalonte në vijat e bardha në momentin e aksidentit.
Në vendngjarje kanë mbërritur menjëherë shërbimet e Policisë dhe autoambulanca, e cila ka transportuar të dëmtuarën drejt spitalit për të marrë ndihmën e nevojshme mjekësore.
Policia vijon verifikimet për të zbardhur rrethanat e plota të aksidentit.
