Ardit Gashi nga Ferizaj, 19 vjeç, ka dhënë lajmin e madh se është shëruar nga leuçemia akute. I riu nga Ferizaji në fillim të vitit kishte kërkuar ndihmë nga dashamirësit që ta ndihmojnë me të holla për të trajtuar sëmundjen e tij jashtë vendit. Dhe Gashit i erdhi në ndihmë e tërë Kosova.
Në mesin e tyre ishte edhe ish deputeti e këngëtari, Labinot Tahiri, i cili doli për ditë të tëra në shesh të Ferizajt për t’i mbledhur të gjitha të hollat që nevojiteshin.
Dhe vetë Arditi sot e ka dhënë lajmin e mirë se tanimë është shëruar nga sëmundja. “Këto janë të fundit, gjithçka përfundoi. Faliminderit Zot, faliminderit Labinot Tahiri, faliminderit shok-shoqe”, ka shkruar djaloshi në Instagram.