Një ngjarje e rëndë është regjistruar në Tiranë. Një 51-vjeçar, ka rënë në prangat e policisë në kryeqytet, teksa akuzohet se ka ushtruar dhunë fizike dhe psikologjike ndaj bashkëshortes së tij dhe djalit të tij të mitur. Ai tashmë është arrestuar, ndërsa ndaj tij kanë nisur hetimet për veprën penale të ‘Dhunës në familje’.
Njoftimi i policsë:
Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasit A. Q., 51 vjeç, pasi ka ushtruar dhunë fizike dhe psikologjike ndaj bashkëshortes dhe ka keqtrajtuar djalin e tyre të mitur.
