Një 78-vjeçar është gjetur pa shenja jete mbrëmjen e kësaj të mërkure në aksin rrugor Poshnje-Kutalli.
Nga të dhënat paraprake mësohet se i moshuari V.L., është rrëzuar aksidentalisht nga biçikleta me të cilën po lëvizte.
Njoftimi i policisë:
Më datë 02.11.2022, rreth orës 19:00, në aksin rrugor Poshnje-Kutalli, në vendin e quajtur “Qafa e Sqepurit”, në anë të rrugës, është gjetur nga bashkëshortja, pa shenja jete dhe nga këqyrja paraprake pa shenja dhune, shtetasi V.L., 78 vjeç, banues në fshatin Poshnje, Dimal.
Nga të dhëna e para dyshohet se 78- vjeçari ka humbur jetën, pasi është rrëzuar aksidentalisht nga biçikleta, pasi vuante nga probleme shëndetësore.
Grupi hetimor po punon për zbardhjen e rrethanave të ngjarjes.