Një konflikt i ashpër brenda familjes ka degjeneruar në përdorimin e armëve të ftohta, ku vëllai ka plagosur me thikë motrën e tij.
Ngjarja ka ndodhur në Kukës, ku sipas informacioneve të policisë V. Q., 32 vjeç, pasi ka ushtruar dhunë fizike ndaj motrës e ka goditur atë thikë, në krah, duke i shkaktuar dëmtime të lehta.
Ka qënë ndërhyrja e shpejtë e forcave të rendit që bënë të mundur parandalimin e mëtejshëm të konfliktit, duke arrestuar V. Q., 32 vjeç.
Njoftimi i policisë:
Policia e Kukësit parandalon një ngjarje të mundshme kriminale brenda familjes.
Vihet në pranga 32-vjeçari që dhunoi dhe goditi me mjet të mprehtë motrën e tij.
Shërbimet e Komisariatit të Policisë Kukës, pas marrjes së informacionit se në lagjen nr. 6, në qytetin e Kukësit, po ndodhte një konflikt i ashpër në familje midis vëllait dhe motrës, menjëherë organizuan punën dhe falë veprimeve të shpejta dhe profesionale bënë të mundur parandalimin e mëtejshëm të konfliktit, duke arrestuar në flagrancë shtetasin V. Q., 32 vjeç, banues në Kukës.
Burimi: Boldnews