Një 18-vjeçar është plagosur me thikë në Prizren si pasojë e një përleshje ndërmjet të rinjve të ndodhur përgjatë mbrëmjes.
Lajmin për “Gazeta Express” e ka konfirmuar Zëdhënësi i Policisë së rajonit të Prizrenit, Vesel Gashi, teksa ka njoftuar se nuk ka ndonjë të arrestuar ende.
“Rreth orës 17:10 minuta, në rrugën “Remzi Ademaj” ka ndodhur një incident, ku si pasojë ka marra lëndime trupore një i ri i moshës rreth 18 vjeçare. Policia ka dalë në vendngjarje dhe po merret me rastin, ndërsa nuk ka të arrestuar si të dyshuar rreth rastit në fjalë”, ka deklaruar tutje ai.
Personi i lënduar është duke marrë trajtim mjekësor në Qendrën Emergjente të Spitalit të Prizrenit. Sipas policisë, adoleshenti ka marrë lëndime të rënda trupore.
