Një ngjarje e rëndë ka ndodhur në ujërat e Vjosës.
Raportohet se një 30-vjeçar, i quajtur Armando Begaj, me origjinë nga fshati Gorishovë e njësisë administrative Cakran, ka mbetur i mbytur.
Ai kishte shkuar për tu larë në Vjosë, që kalon pranë fshatit Selishtë.
Aty ka qenë bashkë me dy shokë të tij. Në momentin që ka kërkuar ndihmë, miqtë e tij kishin menduar se po tallej.
Kur panë se rrjedha e lumit po e merrte 30-vjeçarin, kanë kërkuar ndihmë, dhe e patën të pamundur ta shpëtojnë.
Pritet mbërritja e polumbarëve për të gjetur trupin e 30-vjeçarit.
Mësohet se 30-vjeçari ishte i martuar, dhe baba i një vajze të vogël.
Informacion paraprak
Sot rreth orës 13:40, në fshatin Selishtë, duke u larë në lumin Vjosë, është mbytur shtetasi A.B., 30 vjeç, banues në Gorishovë. Policia dhe polumbarët po punojnë për gjetjen e trupit të 30-vjeçarit.
Grupi hetimor po punon për zbardhjen e plotë të ngjarjes.
/Gazetaatdheu.com/