Të gjithë ne jemi njohur me historinë e Zenunit dhe Vjollcës ku kjo e fundit pavarësisht se nuk jetonte me bashkëshortin kërkonte të drejtat e saj. Mirëpo, mënyra popullore se si ajo shprehej u komentua dhe u bullizua masivisht në rrjet.
Kërkesat e saj u krahasuan me ato të vajzave të reja, të cilat pavarësisht moshës së Vjollcës ngjasonin me sjelljet kapriçoze të adoleshenteve. Qindra, mijëra njerëz filluan të sajonin video tallëse në profilet e tyre në rrjete sociale.
Këtë të mërkurë, “Xh0vani” në një postim në rrjete sociale ka njoftuar se Vjollca ka kryer vetëvrasje pasi nuk e përballoi dot sikletin e akumuluar nga çdo gjë që kishte lidhje me të. Mësohet se Vjollca është bullizuar edhe nga të afërmit e saj, ndërsa djemtë, të turpëruar prej saj e kanë braktisur dhe janë larguar në Itali bashkë me babain e tyre.
